.
لە تەمەنێکی کەمەوە دەستیپێکرد وبە ماوەیەکی کەمیش بە خەونەکەی گەیشت..
ئەوەی کە لای زۆرینە قورس و مەحاڵە، هاوژێری تەمەن 16  ساڵ ئەنجامیدا..
هاوژیر مێردمنداڵێکی تەمەن 16 ساڵە و خەڵکی شاری سلێمانییە و خوێندکاری پۆلی پێنجەمی ئامادەییە و توانی ببێت بە حافز قورئان و هەموو قورئانی پیرۆز لەبەربکات..
لەبەرکردنی هەموو قورئانی پیرۆز لای هاوژێر تەنیا خەونێک بوو دەیویست پێی بگات، سێ ساڵ و نیو لەمەوبەر بڕیاریدا ببێت بە حافز قورئان، بۆ ئەوە پلانی دانا بۆ گەیشتن بەو خەونە..
هاوژیر بەپێچەوانەی هاوڕێکانی لە جیاتی ئەوەی کاتەکانی لە کۆڵان و یاریکردن و یارییە ئەلیکترۆنییەکان بەڕێ بکات، دەستیکرد بە لەبەرکردنی قورئان، چونکە بەڵێنێکبوو دابووی بەخۆی و خودای گەورە و خێزانەکەی کە دەبێت هەموو قورئان لەبەربکات،  دەستیکرد بە کارکردن بۆ گەیشتن بە خەونەکەی و بردنە سەری ئەو بەڵێنەی دابووی، ئەو کۆڵی نەدا تاوەکو لەماوەی سێ ساڵ و نیودا توانی هەموو قورئان لەبەربکات و ئێستا ئەو حافز قورئانە و دەتوانێت هەر 6236 ئایەت و 114 سورەت و 30 جوزئەکەی قورئان بەروونی بڵێت..